У суботу Жыткавічы ледзь не змыла

14 ліпеня за паўдня тут выпала 80% месячнай нормы ападкаў.

У суботу надвор'е, мяркуючы з усяго, ва ўсёй краіне было - ад гарачага да халоднага. То сонейка свеціць, то хмары налятаюць і тут жа з'яўляецца халодны, пранізлівы вецер. Увогуле, апрануцца ўчора па надвор'і было вельмі складана. А ў некаторых рэгіёнах Беларусі здарыліся нават некаторыя анамаліі, піша kp.by.

Напрыклад, у суботу за 12 гадзін у Жыткавічах, што ў Гомельскай вобласці, выпала ажно 80% месячнай нормы ападкаў!

- Учора (у суботу, 14 ліпеня) па краіне прайшлі дажджы, месцамі прагрымелі навальніцы. У апошнія дні дажджоў стала больш, але нейкай анамальнай сітуацыі няма - 14 лiпеня толькі на адной станцыі (у Жыткавічах) зафіксаваныя моцныя ападкі - 59 мм, гэта 80% месячнай нормы. У той жа час, напрыклад, у Менску выпала 3 мм ападкаў, - цытуе belta.by спецыялістаў Белгідрамета.

Дарэчы, у Лідзе здарылася амаль што тарнада. Сіноптыкі сказалі, што нічога незвычайнага ў гэтым няма - у Беларусі відавочна хоць і рэдка здараецца, але назіраць такія з'явы можна і ў нас.

- Перыядычна яно фіксуецца, нельга сказаць, што гэта першы выпадак за ўсю гісторыю ў Беларусі, - сказалі спецыялісты.