Віталь Портнікаў: Нам даводзіцца прадпрымаць нестандартныя крокі

Пасля з'яўлення незалежнай Украіны РПЦ павінна было ініцыяваць стварэнне памеснай украінскай царквы.

Украіне ў пачатку XXI стагоддзя даводзіцца развязваць праблемы, якія іншыя еўрапейскія народы вырашылі ў пачатку XIX стагоддзя. Такое меркаванне 14 ліпеня выказаў палітычны аглядальнік Віталь Портнікаў у эфіры тэлеканала "Еспресо".

«Незалежныя праваслаўныя цэрквы ў многіх краінах Еўропы з'явіліся дзесьці з пачатку XIX - да пачатку XX стагоддзя. Іх жа раней таксама не было. Калі не было незалежнай Румыніі, не было румынскай царквы. Не было незалежнай Балгарыі, не было незалежнай царквы. Калі не было нават незалежнай Грэцыі, гэтыя тэрыторыі кіраваліся з Канстанцінопаля, а не з Афін, як цяпер. І такіх прыкладаў шмат», - распавёў ён.

Портнікаў адзначыў, што незалежная Украіна з'явілася ў 1991 годзе, і было б лагічным, калі б Расейская праваслаўная царква сама выступіла ініцыятарам стварэння памеснай праваслаўнай царквы ва Украіне, каб быць з ёй у агульнай малітве і згодзе.

«Але РПЦ абрала іншы шлях. Шлях, які яна заўсёды выбірала ў сваёй гісторыі, - падмену Бога кіраўніком. Службу не Богу, а д'яблу, уладзе. Гэта, на жаль, часта адбываецца не з выбарам расейскай царквы, я не хацеў бы вінаваціць расейскую царкву як такую, яе прыхаджан, але расейскіх царкоўнікаў. Вельмі часта яны трапляюць у такую д'ябальскую спакусу. І што нам рабіць? нам даводзіцца рабіць нестандартныя крокі, каб выправіць памылкі нашых суседзяў, якія з'яўляюцца, фактычна, гістарычнымі памылкамі», - падкрэсліў ён.

Журналіст дадаў, што выпраўленне гэтых памылак прынясе карысць не толькі ўкраінскаму народу і вернікам, але і расейцам.

«Мы пазбавім іх ад д'ябальскай спакусы вырашаць нешта за блізкага», - падсумаваў Портнікаў.