Пуцін дазволіў павышаць вывазныя мыты на нафтапрадукты да 90%
- 20.07.2018, 11:09
- 8,825
На гэты момант экспартныя мыты на іх складаюць 30% ад мытаў на нафту.
Прэзідэнт РФ Уладзімір Пуцін падпісаў закон, які дазваляе павышаць вывазныя тарыфы на светлыя нафтапрадукты да 90%. Адпаведны дакумент апублікаваны на сайце прававой інфармацыі. Урад РФ атрымае права экстранна ўводзіць загараджальную мыту з 1 жніўня 2018 года да 31 снежня 2019 года.
Гаворка ідзе пра такія прадукты, як светлыя нафтапрадукты, таварны і простагонны бензін, лёгкія і сярэднія дыстыляты, бензол, талуол, ксілолы і змазачныя алівы. На гэты момант экспартныя мыты на іх складаюць 30% ад мытаў на нафту, акрамя простагоннага бензіну, дзе яна складае 55%.
Закон дазваляе вызваліць ад экспартных мытаў нафту і нафтагазакандэнсатныя сумесі, якія былі здабытыя на тых дзялянках, дзе спаганяецца падатак на дадатковы прыбытак ад вуглевадароднай сыравіны.
Законапраект аб павышэнні ўвазных тарыфаў быў прыняты Дзяржаўнай думай 5 ліпеня і зацверджаны Радай Федэрацыі 13 ліпеня.
У канцы чэрвеня прэм'ер-міністр Дзмітрый Мядзведзеў даручыў Міністэрствам энэргетыкі, фінансаў, прамысловасці і гандлю ды Расейскаму экспартнаму цэнтру прапрацаваць комплекс захадаў для нарошчвання экспарту нафтагазавай хіміі. У распараджэнні кіраўніка ўрада зазначана, што гэтыя захады могуць прычыніцца да перагляду існай нормы падаткаабкладання ў гэтай галіне. Ініцыятывы маюць быць прапрацаваныя да 29 ліпеня, распарадзіўся Мядзведзеў.