У Новасібірску тысячы пратэстоўцаў патрабавалі адстаўкі ўрада

У апошнія тыдні ў Новасібірску прайшоў шэраг пратэстных акцый.

Больш за тры тысячы чалавек узялі ўдзел ва ўзгодненым мітынгу супраць падвышэння пенсійнага ўзросту, які прайшоў на адной з цэнтральных плошчаў Новасібірска, паведамляе «Радыё Свабода».

Ён арганізаваны ў рамках усерасейскай акцыі пратэсту. У Новасібірску камуністаў падтрымалі партыя «Яблык», рух «Пенсіянеры за годнае жыццё» і прафзвязы. У часе мітынгу было заяўлена, што прапанаваная рэформа пенсійнай сістэмы парушае адразу некалькі артыкулаў расейскай Канстытуцыі: артыкул 7, дзе сказана, што Расейская Федэрацыя з'яўляецца сацыяльнай дзяржавай, артыкул 39, у якой дзяржава гарантуе грамадзянам забяспечаную старасць, і артыкул 55, які забараняе прымаць законы , што ўціскаюць правы грамадзян. Пра гэта паведамляе сайт «Сибирь.Реалии».

«Падвышэнне пенсійнага ўзросту - гэта сацыяльны дэфолт нашай краіны. Гэтая рэформа ўвойдзе ў гісторыю самымі чорнымі фарбамі, поруч з «шокавай тэрапіяй» Гайдара, дэфолтам 98 года і манетызацыяй льгот. Усім, хто бярэ ўдзел у прыняцці гэтых законаў, будзе сорамна, іх склянуць класныя дзеці і ўнукі», - заявіў другі сакратар новасібірскага абкама камуністычнай партыі Рэнат Сулейманаў.

У рэзалюцыі мітынгу ад дэпутатаў Дзярждумы запатрабавалі не прымаць законапраект аб павышэнні пенсіённага ўзросту ў другім чытанні. У адваротным выпадку, мяркуюць удзельнікі акцыі пратэсту, ніжняя палата расейскага парламента павінна быць распушчаная, а ўрад абавязаны сысці ў адстаўку.

Мітынгоўцы заклікалі да аб'яднання ўсіх партый і грамадскіх рухаў, незалежна ад палітычных поглядаў, каб працягнуць пратэстныя акцыі да паўторнага разгляду спрэчнага законапраекта восенню гэтага года. Акрамя таго, прадстаўнікі КПРФ, якія прысутнічалі на мітынгу, паведамілі выданню, што нягледзячы на адмову Цэнтральнай выбарчай камісіі ў арганізацыі агульнарасейскага рэферэндуму ў пытанні пенсійнай рэформы, камуністычная партыя будзе дамагацца яго правядзення.

Раней Цэнтральная выбарчая камісія не падтрымала ініцыятыву партыі КПРФ, якая прапаноўвала правесці рэферэндум аб падвышэнні пенсійнага ўзросту. На ім прапаноўвалася задаць расейцам пытанне: «Ці згодныя вы з тым, што ў Расейскай Федэрацыі ўзрост, які дае права на прызначэнне страхавой пенсіі з прычыны старасці, падвышацца не павінен?»