Прэзідэнт Румыніі адрэагаваў на пратэсты ў Бухарэсце
4- 11.08.2018, 12:48
- 10,270
Клаўс Ёханіс раскрытыкаваў дзеянні сілавікоў.
Прэзідэнт Румыніі Клаўс Ёханіс асудзіў сілавы разгон акцыі пратэсту ў Бухарэсце, у выніку чаго пацярпелі блізу 440 чалавек, паведамляе "Новы час".
У сябе ў Facebook Ёханіс запатрабаваў ад міністра ўнутраных справаў Румыніі растлумачыць ужыванне сілы да пратэстоўцаў.
"Сапраўдная дэмакратыя прадугледжвае права кожнага чалавека на пратэст, але гвалт непрымальны незалежна ад палітычнага выбару. Я катэгарычна асуджаю жорсткае ўмяшанне жандармерыі, моцна непрапарцыйнае дзеянням большасці людзей на плошчы Перамогі", – адзначыў ён.
Раней паведамлялася, што падчас пратэстаў у сталіцы Румыніі Бухарэсце пацярпела 440 чалавек.