Адвакат Сянцова: У найбліжэйшы час у Алега могуць адмовіць унутраныя органы

Украінскі рэжысёр знаходзіцца ў цяжкім стане.

Ва ўкраінскага палітычнага вязня ў РФ Алега Сянцова, які галадае ў калоніі з 14 траўня, у найбліжэйшы час можа пачацца чацвёрты крызіс галадавання, які суправаджаецца адмовай унутраных органаў, паведаміў адвакат украінца Дзмітрый Дынзэ ў эфіры Радыё Крым.Реалии.

Паводле ягоных словаў, трэці крызіс галадавання, які на гэты момант перажывае ўкраінец, небяспечны тым, што органы пачынаюць паступова рыхтавацца да адмовы, чалавеку становіцца дрэнна.

"Наступ чацвёртага крызісу залежыць ад індывідуальных асаблівасцяў арганізма. Ён можа здарыцца заўтра, ці праз тыдзень, ці праз месяц", – адзначыў адвакат.

Прымусовае кармленне нельга назваць выратавальным выйсцем для Сянцова, дадаў кіраўнік адвакацыйнага цэнтра Украінскага Хельсінскага звязу ў правах чалавека Барыс Захараў.

"Прымусовае кармленне прыраўноўваецца еўрапейскім судом да катавання і робіць негатыўны ўплыў на аслаблены арганізм, нягледзячы на траплянне ў яго пажыўных рэчываў. Таму тут вельмі вялікае пытанне, добра гэта ці дрэнна. Прымусовае кармленне не з'яўляецца гарантыяй выратавання жыцця Алега Сянцова", – паведаміў Захараў.