З заўтрашняга дня падаражэе паліва
28- 11.08.2018, 16:24
- 53,310
«Белнафтахім» вярнуўся да «паэтапнага падвышэння» кошту паліва.
Аўтамабільнае паліва з 12 жніўня даражэе на адну капейку, паведамілі БелТА ў прэс-службе канцэрна «Белнафтахім».
Кошт 1 літра бензіну АІ-92-К5-Еўра складзе Br1,3, АІ-95-К5-Еўра - Br1,38, АІ-98-К5-Еўра - Br1,59, ДТ - Br1,38.
Канцэрн прыняў пастанову працягнуць «палітыку паэтапнага павышэння кошту» паліва з улікам чыннікаў, якія на яго ўплываюць: кошт нафты, падаткі, курсы валют.
За 7 месяцаў 2018 года кошт нафты для беларускіх НПЗ у параўнанні з аналагічным перыядам 2017-га павялічыўся на 35%. Кошт нафтапрадуктаў, што рэалізуюцца на ўнутраным рынку, вырас у сярэднім на 14%.