У Курапатах дзесяткі актывістаў зладзілі пікет

Актывістку Ніну Багінскую павезлі ў міліцыю, каб напісаць скаргу.

Пенсіянерка паскардзілася на ахоўніка рэстарацыі, які так моцна трымаў яе за руку, што пакінуў сінякі, перадае «Белсат».

Сёлетняя абарона Курапатаў трывае з пачатку чэрвеня. Ужо два месяцы актывісты стаяць каля брамы рэстарацыі «Поедем, поедим» і патрабуюць яе зліквідаваць, бо літаральна за 50 мэтраў ад забаўляльнай установы знаходзіцца месца сталінскіх расстрэлаў.

Суды неаднаразова каралі абаронцаў Курапатаў штрафамі і арыштамі – агулам было заведзена 140 адміністрацыйных спраў.