У МАГАТЭ заявілі пра працяг ядзернай праграмы КНДР

Улады КНДР не спынілі развіццё сваёй ядзернай праграмы.

Пра гэта гаворыцца ў дакладзе кіраўніка Міжнароднага агенцтва атамнай энэргіі (МАГАТЭ) Юкі Амана, паведамляе РБК са спасылкай на Japan Times.

«Паколькі агенцтва ўсё яшчэ не атрымала дазволу на працу ў КНДР, інфармацыя пра ядзерную праграму Паўночнай Карэі абмежаваная і з працягам ядзернай актыўнасці ў краіне гэтых звестак становіцца ўсё менш», - гаворыцца ў паведамленні.

Амана таксама падкрэсліў, што працяг ядзернай праграмы КНДР і заявы краіны выклікаюць «смяротны непакой» і глыбокае шкадаванне.

Прэзідэнт ЗША Дональд Трамп і дыктатар КНДР Кім Чэн Ын 12 чэрвеня правялі саміт у Сінгапуры. Пасля перамоў яны падпісалі дэкларацыю аб дасягненні міру на Карэйскім паўвостраве. У ліпені спецслужбы ЗША высветлілі, што Паўночная Карэя працягвае распрацоўку не менш як двух міжкантынентальных ракет у даследчым цэнтры побач з Пхеньянам.

Пазней Паўночная Карэя заявіла, што для дэнукліярызацыі Карэйскага паўвострава ўлады ЗША павінны вырашыць праблему з плутоніем у Японіі. Гаворка ідзе пра пагадненне Вашынгтона і Токіа, згодна з якім японскі бок атрымаў права на перапрацоўку адпрацаванага ядзернага паліва, вытворчасць плутонію і ўзбагачэнне ўрану. Паводле звестак КНДР на сённяшні дзень у Токіа маюцца 47 т плутонію, з якога можна зрабіць 7800 ядзерных бомбаў.