МУС і СК пракаментавалі збіццё кіроўца ў Драгічыне

Дзеянні маладых людзей, якія напалі на кіроўцу, выклікалі буру абурэння ў Сеціве.

На днях у Сеціве з'явілася відэа з горада Драгічына Берасцейскай вобласці, дзе маладыя людзі наважылі «разабрацца» з кіроўцам і збілі яго. Хоць аўтамабіль пацярпелага - на расейскіх «нумарах», за стырном знаходзіўся мясцовы жыхар Павел, які жыве і працуе ў Маскве, а на сваім старэнькім VW Golf прыехаў у госці да сваякоў.

Дзеянні маладых людзей, якія напалі на кіроўцу, выклікалі хвалю абурэння. З'явіліся каментары ад праваахоўнікаў. Да прыкладу, інцыдэнт пракаментавалі ў ГУУС:

А афіцыйны прадстаўнік Следчага камітэта Берасцейскай вобласці Дзмітрый Іванюк распавёў парталу «Першы Рэгіён», што ў дачыненні да жыхара Драгічына, які напаў на кіроўцу распачатая крымінальная справа.

Інцыдэнт адбыўся 14 ліпеня 2018 году а 22.00 на вуліцы Шаўчэнкі ў Драгічыне, распавялі парталу ў Следчым камітэце.

«У гэты вечар у міліцыю паступіла паведамленне ад жыхара вёскі Бездзеж Драгічынскага раёна, якога невядомы яму грамадзянін беспадстаўна збіў, а таксама, ударыўшы нагой, пашкодзіў дзверы легкавога аўтамабіля. Следча-аператыўнай групай, якая прыбыла на месца здарэння, было ўстаноўлена, што жыхар горада Драгічын 1994 года нараджэння 2018/07/14 прыкладна а 21.40, знаходзячыся на вуліцы Шаўчэнкі ў Драгічыне, наўмысна, беспадстаўна, з хуліганскіх меркаванняў, нанёс адзін удар кулаком у твар пацярпеламу, чым нанёс яму цялесныя пашкоджанні, якія адносяцца да лёгкіх і не пацягнулі за сабой разладу здароўя. Таксама фігурант, працягваючы свае хуліганскія дзеянні, наўмысна нанёс некалькі ўдараў па левай пярэдняй дзверы аўтамабіля, які належыць пацярпеламу, пашкодзіўшы лакафарбавае пакрыццё і мацаванне дзвярэй аўтамабіля», - паведаміў Дзмітрый Іванюк.

У кампаніі абвінавачанага было 4 чалавекі, аднак праваахоўнікі аб'ектыўна ўсталявалі, што супрацьпраўныя дзеянні ўчыняў ён адзін, паведамілі ў СК.

17 ліпеня 2018 г. Драгічынскім РАСК распачатая крымінальная справа паводле ч.1 арт.339 КК РБ у дачыненні да жыхара Драгічына, яму выстаўленае абвінавачанне паводле гэтага ж артыкула. У дачыненні да яго абраная мера стрымання ў выглядзе хатняга арышту.

Абвінавачаны быў судзімы ў 2013 годзе паводле ч.2 арт.339 КК РБ, неаднаразова прыцягваўся да адміністрацыйнай адказнасці паводле артыкулаў 17.1, 17.3 і 17.4 КоАП Рэспублікі Беларусь.