У Беларусі ствараюць новую базу звестак на грамадзян?

Міністэрства падаткаў і збораў падрыхтавала чарговы дакумент.

Міністэрства падаткаў і збораў вынесла на грамадскае абмеркаванне папраўкі што да ігральнага бізнэсу, паведамляе officelife.media.

Дакумент прадпісвае судам не толькі выдаваць копію пастановы аб забароне наведваць ігральныя ўстановы для канкрэтнага чалавека, але і абавязкова перадаваць звесткі ў «Маніторынгавы цэнтр ігральнага бізнэсу».

Нагадаем, што гэта камерцыйная кампанія, якая была створаная ў 2012 годзе. Яна абслугоўвае СККС (Спецыяльную кампутарную касавую сістэму), праз якую ў анлайн-рэжыме кантралююцца ўсе казіно.

Паводле звестак на 2017 год, забарона наведваць казіно дзейнічала ў Беларусі прыкладна для 40 тысяч чалавек.