Загадкі зніклых скарбаў егіпецкага бога Асірыса

На ўтрыманне ўнікальнай пахавальні выдаткоўваўся прыбытак 12 старажытнаегіпецкіх гарадоў.

У старажытным Егіпце існавала велізарнае мноства дзіўных і загадкавых магільняў, адной з якіх з'яўляецца месца пахавання бога Асірыса. Гэтае егіпецкае боства нярэдка сустракаецца ў легендах і паданнях старажытнай дзяржавы. Менавіта ён стаў першым чароўным уладаром Егіпта і, калі верыць легендам, навучыў мясцовых жыхароў асновам земляробства і садаводства. Як меркавалі егіпцяне, пахавальня Асірыса знаходзілася ў Абідасе, старажытным горадзе Егіпта, піша klady.info.

Упершыню пахавальня Асірыса была адкрытая яшчэ ў ХХ стагоддзі да н.э. Тады гэтае пахаванне з'яўлялася месцам правядзення розных рэлігійных абрадаў. Менавіта старажытныя археолагі стварылі легенду пра тое, што знойдзеная імі магільня з'яўляецца месцам спачынку бога-фараона Асірыса. Пасля гэтага месца знаходжання пахавальні егіпецкага заступніка зноў апынулася невядомым для гісторыкаў.

Знойдзеная зноў магільня боства была толькі праз пяць тысячаў гадоў з дня яе ўзнікнення – у ХХ стагоддзі нашай эры. Месца пахавання Асірыса было надзейна схаванае ад вачэй археолагаў пад велізарным пластом парэшткаў збанкоў, у якіх яго прыхільнікі прыносілі дары свайму Богу. На жаль, як высветлілася, пахавальня была разрабаваная яшчэ ў часы Старажытнага царства. Парэшткі фараона, а разам з імі і ягоны саркафаг, былі скрадзеныя. Аднак археолагаў цікавіла іншае пытанне – ці была гэтая пахавальня сапраўды месцам спачыну Асірыса.

Пасля стараннага даследавання было выяўлена, што ў Абідасе былі пахаваныя ўладары Егіпта 1-й і 2-й дынастый. Побач з меркаванай пахавальняй Асірыса былі выяўленыя яшчэ 9 месцаў пахавання кіраўнікоў. Магільня ж вялікага боства апынулася месцам спачынку Джэра – фараона перыяду Ранняга царства (1-я дынастыя).

На шчасце для гісторыкаў, старажытныя зладзеі, у сувязі з нейкімі загадкавымі абставінамі, усё ж пакінулі гучную гістарычную знаходку. Адзін з рабаўнікоў схаваў руку жонкі фараона ў расколіне магільні з думкай вярнуцца па яе пазней. Але з нейкай невядомай прычыны гэта ён так і не змог зрабіць. Старажытны артэфакт быў знойдзены ў 1902 годзе знакамітым навукоўцам Уільямам Фліндэрсам Пітры. Руку апяразвалі чатыры залатыя бранзалеты з устаўкамі з аметысту. Гэта з'явілася пацвярджэннем таго, што пры разрабаванні магільні зладзеям дасталіся неверагодныя скарбы, якія маглі ўпрыгожыць многія музеі свету. Да таго ж вядома, што на абслугоўванне магільняў фараонаў Ранняга царства сыходзілі каласальныя сродкі. Яскравым доказам гэтага з'яўляецца месца пахаванне прынца Некура. Для забеспячэння пахавальні неабходным персаналам на яе траціўся прыбытак 12 егіпецкіх гарадоў.