Яны пазбавілі БАТЭ чэмпіёнства: яскравыя моманты з іх жыцця да пераможнай падзеі

Пасля 13 тытулаў запар БАТЭ спатыкнуўся.

Спатыкнуўся ў першы ж поўны сезон без Анатоля Капскага, піша tribuna.com.

Барысаў не быў дрэнны, але і не быў такі добры, як прэтэндэнт, які зрынуў яго. Берасцейскае «Дынама» выдала наймагутнейшы сезон. Нават БАТЭ ідэальных узораў рэдка трымаўся такога ж графіка ў наборы балаў.

У складзе Берасця многія сталі чэмпіёнамі ўпершыню, але гэта не значыць, што яны жылі да гэтага нішчымніцай і сумам.

Сёння ў матчы 29 тура чэмпіянату Беларусі берасцейскае «Дынама» перамагло "Віцебск" (1: 0) і за тур да канца ўпершыню ў сваёй гісторыі здабыў залатыя медалі.

Сяргей Кісляк

Былы кэп менскага «Дынама», якога ў сталіцы ў разгар чэмпіёнскай гонкі-2010 саслалі ў дубль. Ужо тады марыў тузануць БАТЭ - і вось. Пагроза для Шымусіка. Амаль што берасцейскі ў Берасці. Упершыню чэмпіён.

Габі Кікі

Даслоўна прарваўся ў Беларусь. У менскім «Дынама» камерунца не хацелі бачыць, а ў Магілёве з падачы Аляксандра Сяднёва пакінулі, але на самых мінімальных фінансах. Праз паўтара года здарыўся пераезд у Берасце, дзе Габі спатрэбіўся ўжо не як апорны хаўбек, а як цэнтральны абаронца. Асілак, які ўвесь час падкасвае шорты. Любіць модныя кепкі, заглядваецца на дзяўчат, не разумее расейскай, калі яго крытыкуюць. Можа давесці спаборніка да шаленства, чаканячы мяч проста падчас матчу.

Кікі любіць кепкі, Фамейе дараваў заўзятару ДТЗ. Чым жывуць легіянеры берасцейскага «Дынама»

Алег Вераціла

Пару гадоў таму здавалася, што ягоная кар’ера скончаная. У сталічным «Дынама» капітан быў спісаны як баласт, у Польшчы праваліўся, спадабаўся толькі «Мінску». У Берасці стаў асноўным і незаменным. Упершыню чэмпіён.

Павел Няхайчык

Адна з самых выгадных продажаў у гісторыі БАТЭ (за 2,8 мільёна еўра маскоўскаму «Дынама»). Шэсць разоў з Барысавам станавіўся чэмпіёнам. Сёмае чэмпіёнства - берасцейскае. У 30 выдаў самы выніковы беларускі сезон.

Самы спакойны і самы важкі чалавек у камандзе. Капітан.

Дзяніс Лапцеў

Нават пераехаўшы ў медыйнае Берасце, прадаўжае маўчаць. Таму мы не ведаем, ці размаўляе Лапцеў дагэтуль на трасянцы. Партнёры адзначаюць, што Дзяніс суровы на трэніроўках і можа даць выспятка таму, хто дрэнна працуе.

Аляксандр Наёк

Бельмандо з Херсона, кароль сімуляцыі. Яшчэ адна ахвяра менскага «Дынама», дзе Гурэнка і Чыж культывавалі падазронасць. Каб збегчы з Менска ў Берасце, выкупіў сябе за 150 тысяч даляраў. Ужо зразумела, што нездарма. Упершыню чэмпіён. Гатовы гуляць за нацыянальную каманду Беларусі.

Арцём Мілеўскі

Легенда для таварышаў і ўкраінцаў, палы анёл для беларусаў. Перабраўся ў Берасце, каб адбіраць трафеі ў БАТЭ, які яго калісьці перадумаў падпісваць у апошні момант. Адабраў кубак, суперкубкі, чэмпіёнства таксама адабраў у 34.

Улюбёнец жанчын (і нават Ціны Кандэлакі) і аматар піва.

Максім Вітус

Муж лекаркі-красуні - небяспечны чалавек. Толькі з яго дапамогай «Вільярэал» здолеў падолець менскае «Дынама» ў Лізе Еўропы. Так меркаваў Юрый Чыж, западозрыў - ну вядома ж! - футбаліста ў здачы матчу. Упершыню чэмпіён.

Аляксандр Паўлавец

За аснову свайго першага клуба БАТЭ так ні разу і не згуляў. Анатоль Капскі ўстаўляў падапечным за тое, што аддалі таленавітага абаронцу ў Жодзіне. Там Паўлавец вырас да капітана моладзевай каманды, а з «Тарпеда-БелАЗ» сышоў мінулай зімой, бо адтуль выгналі Алега Кубарава. Таксама дзеля Берасцяа выкупіў свой кантракт. Першы сезон у «Дынама» - і адразу чэмпіёнскі.

Павел Савіцкі

Анфан церыбль, яблык разладу. здаецца, у беларускім футболе Савіцкі цэлую вечнасць, хоць яму ўсяго 25. Паляцеў з Гародні, пасварыўшы «Нёман» з Берасцем, і пачаў збіраць трафеі. А мог пачаць раней, бо ў БАТЭ клікалі не раз. Нядаўна стаў бацькам, а вось асноўным у складзе з'яўляецца не заўсёды. Наогул, Павел - гэта коцік. Марскі.

Аляксандр Гутар

Дзіця асфальту (такое пакрыццё было ў СДЮШАР) і ў сэрцы сапраўдны дынамавец, доўгія гады працаваў на карысць БАТЭ: зусім юнаком вывеў Барысаў у першую групу Лігі чэмпіёнаў, пяць разоў з ім перамагаў у ЧБ, а потым...збег назад у роднае менскае «Дынама», каб тварыць гісторыю з ім, аднак справа гэта выявілася няпростай. Золата ўзяць здолеў ужо з іншым «Дынама», берасцейскім, а са сталічным былі незабыўныя праходы ў групу Лігі Еўропы, другой - з шалёнай серыяй пенальці супраць «Зальцбурга». Гутар валодае дзіўнай якасцю – ён заўсёды прыгажэе пад кіраўніцтвам Васіля Хамутоўскага, які таксама цяпер у Берасці.

Аляксей Хабленка

Выхаванец кіеўскага «Дынама», здзіўлены законапаслухмянасцю беларусаў на дарогах, - таемная зброя Марцэла Лічкі: чалавек памногу сядзіць на лаўцы, але калі ўжо ўстае, мала нікому не здаецца.

Міхаіл Гардзяйчук

Залячыў вельмі цяжкую траўму і ў канцы мінулага сезону сышоў з БАТЭ, каб змяніць абстаноўку, аднак у родным Казахстане паляшук (такі вось парадокс) праваліўся і не затрымаўся. Барысаў асабліва не рваўся яго вяртаць, а вось Берасце для глыбіні складу падпісала - і не пралічылася, як і сам Гардзяйчук, які перамог на ЧБ сёмым разам.

Раман Юзэпчук

Сваяк Уладзіміра Юрчанкі таксама ўцёк з менскага «Дынама» і таксама выкупіў сам сябе. Пакуль на падхваце. Упершыню чэмпіён.

Дзеніш Дуартэ

Прыехаў у Берасце мінулым летам у статусе загадкавага абаронцы-забівалы з партугальскага Д2. Быў капітанам дубля «Віторыі Гімараэш», у «Дынама» таксама стаў асноўным. Любіць кампутарныя гульні і трэнажорку. Аб характары звесткі супярэчлівыя. Хтосьці кажа, што Дзеніш маўчун, а хтосьці запэўнівае, што неймавекрна расслаблены хлопец, які нават перад важнымі матчамі не супраць пабалбатаць. Упершыню чэмпіён.

Марцэл Лічка

Галоўным трэнерам «Дынама» яго зрабілі абставіны, яны ж падарылі першы досвед самастойнай працы ў элітным дывізіёне. Разбіраецца ў тэатры, выказваецца на грамадска-палітычныя тэмы, зазывае апанентаў на келіх віна - не самы тыповы персанаж для беларускага футбола. Клуб перад сезонам падумваў аб замене, а цяпер Лічка кажа, што яму прапануюць застацца ў Берасці надоўга.