Папа Францішак заклікаў сусветных лідараў адмовіцца ад ядзернай зброі
2- 24.11.2019, 20:47
- 7,745
Рымскі пантыфік заявіў пра гэта падчас наведвання Нагасакі.
Папа Рымскі Францыск заклікаў сусветных лідараў адмовіцца ад ядзернай зброі і ад дактрыны ядзернага стрымлівання, успадкаванай ад «халоднай вайны». Як заявіў у нядзелю рымскі пантыфік, запасы ядзерных узбраенняў прыводзяць да паслаблення бяспекі і расходаў фінансавых сродкаў, і нясе пагрозу чалавецтву, піша «Голос Америки».
Падчас наведвання Нагасакі - другога (пасля Хірасімы) японскага горада, які зазнаў атамную бамбардзіроўку, - папа Францыск асудзіў спыненне дзеяння дамоў кантролю над ядзернымі ўзбраеннямі.
Усклаўшы вянок да помніка ахвярам бамбардзіроўкі, пантыфік падкрэсліў, што гэтае месца з'яўляецца суровым напамінам «пра боль і жах, якія людзі здольныя прычыніць адзін аднаму».
«Будучы перакананы ў тым, што свет без ядзернай зброі магчымы і неабходны, я прашу палітычных лідараў не забываць пра тое, што гэта зброя не можа абараніць нас ад існых пагроз нацыянальнай і міжнароднай бяспекі», - завіў кіраўнік Рымска-каталіцкай царквы.
Папа Францішак наведаў Нагасакі (а пазней - Хірасіму) у пачатку трохдзённай паездкі ў Японію, закліканай стаць выразам яго прызыву да глабальнай забароны ядзернай зброі.
Адзначаецца, што месца для пачатку візіту абрана як нельга больш дакладна: Нагасакі - горад, дзе пачалося распаўсюджванне хрысціянства ў Японіі, і менавіта на яго ў 1945 годзе была скінутая атамная бомба.
Нагадаем, што Святы прастол падпісаў і ратыфікаваў новую дамову аб забароне ядзернай зброі, ініцыяваную ААН, а папа Францыск пайшоў у асуджэнні ядзернай зброі далей, чым які-небудзь ранейшы рымскі пантыфік, заявіўшы, што нават валоданне ядзернай зброяй само па сабе годнае вымовы.
Выступаючы ў нядзелю, папа не згадаў пра дамову 2017 года, аднак заявіў наступнае:
«Адно з найглыбокіх спадзяванняў чалавечага сэрца - імкненне да бяспекі, міру і стабільнасці. Валоданне ядзернай зброяй і іншымі тыпамі зброі масавага знішчэння не з'яўляецца адказам на гэтае імкненне; у рэчаіснасці яно, відаць, заўсёды падрывае яго».
