Андрэй Бастунец: Блакаванне «Хартыі-97» паўплывала на ацэнку свабоды інтэрнэта ў Беларусі

Старшыня БАЖ пракаментаваў апошнюю справаздачу Freedom House.

Паводле апошніх звестак, які падала міжнародная праваабарончая арганізацыя Freedom House, Беларусь увайшла ў спіс краін з «несвабодным інтэрнэтам». Якія факты сведчаць аб тым, што Байнэт актыўна зазнае цэнзуру з боку ўладаў?

Сітуацыю для Charter97.org пракаментаваў старшыня Беларускай асацыяцыі журналістаў Андрэй Бастунец:

- Па-першае, гэта не адзіны рэйтынг, у якім Беларусь выяўляецца на апошніх месцах у паказчыках свабоды слова і індэкса цэнзуры ў краіне. Некалькі месяцаў таму «Камітэт абароны журналістаў» уключыў Беларусь у дзясятку краін з найбольш жорсткім інтэрнэтам, бо ў нас найбольш жорсткая цэнзура ў інтэрнэце і, наогул, у СМІ.

Там спецыялісты назвалі некалькі паказчыкаў, якія, я думаю, улічваюцца ўсімі міжнароднымі арганізацыямі:

У першую чаргу, гэта тыя заканадаўчыя нормы, якія з канца мінулага года пачалі дзейнічаць у Беларусі. Яны жорстка абмяжоўваюць свабоду дзейнасці ў інтэрнэце і ўзмацняюць дзяржаўны кантроль за ім.

Безумоўна, на выніковую ацэнку моцна паўплывалі блакаванні такіх вядомых грамадска-палітычных сайтаў, як Charter97.org і «Беларускі партызан».

І, вядома, «Справа БелТА», калі пад удар трапілі такія інтэрнэт-рэсурсы, як tut.by і БелаПАН.

Усё гэта паказвае, што беларускі інтэрнэт зазнае жорсткую цэнзуру і з'яўляецца «несвабодным».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com