27 студзеня 2020, панядзелак, 13:04
Засталося зусім крыху
Рубрыкі

Мінчанін: У радзільні, дзе ляжыць жонка, нейкі вірус

3
Мінчанін: У радзільні, дзе ляжыць жонка, нейкі вірус
ІЛЮСТРАЦЫЙНАЕ ФОТА

Што кажуць медыкі?

Жонка менчука Максіма (на просьбу героя імя змененае) знаходзіцца ў аддзяленні паталогіі цяжарнасці радзільні №1 Менска, піша tut.by. Са слоў мужчыны, учора ўвечары жонка яму патэлефанавала, сказала, што дрэнна сябе адчувае, скардзілася на ваніты і дыярэю. А ўначы напісала, што з падобнымі сімптомамі ў іх ужо шэсць чалавек. Што кажуць у медычнай установе?

Максім не ведае, што ела жонка на вячэру. Але, кажа, страў, ад якіх магло б стаць дрэнна, у меню не было.

- У 11 вечара яна мне патэлефанавала, сказала, адчувае сябе блага, - распавядае суразмоўца. - Тэмпературы не было, толькі ваніты і дыярэя. Магчыма, гэта нейкі вірус. Ёй паставілі кропельніцу і зрабілі ўкол.

А другой гадзіне ночы жонка напісала Максіму, што ў аддзяленні ўжо шэсць жанчын з такімі сімптомамі.

- Раніцай падчас абыходу ім сказалі, што падобныя сімптомы ў пацыентак у трох аддзяленнях, - кажа Максім. - Жонка распавядае, што ўсіх іх перавялі са сваіх палат і цяпер яны ляжаць разам.

У радзільні кажуць, што на гэты момант у іх няма жанчын у цяжкім стане.

- Ёсць некалькі пацыентак з аналагічнымі скаргамі. Яны лечацца. Катастрофы ніякай няма, - кажуць у радзільным доме. - Як мяркуецца, мы думаем пра вірусную інфекцыю з кішэчнай праявай. Мы выклікалі інфекцыяніста, санітарныя службу. Пацыентаў ізалюем, каго можна адпусціць дадому, выпісваем. Але нічога такога, каб пагражала жыццю жанчын і дзяцей, няма. На раніцу пацыентаў з высокай тэмпературай няма. Толькі ў адной пацыенткі 37,2.

Каб атрымаць больш падрабязную інфармацыю, журналістам параілі звярнуцца з афіцыйным запытам да кіраўніцтва медычнай установы.

Крыху пазней Максім паведаміў: у палаце з жонкай зараз чатыры жанчыны. Стан жонкі стабілізаваўся. Іншыя жанчыны ў яе палаце таксама адчуваюць сябе нармальна.