Яўгена Афнагеля арыштавалі на 15 сутак

Каардынатар «Еўрапейскай Беларусі» выйдзе на волю 2 студзеня.

Як стала вядома сайту Charter97.org, каардынатара грамадзянскай кампаніі «Еўрапейская Беларусь» Яўгена Афнагеля асудзілі на 15 сутак арышту. Суд прайшоў адразу пасля затрымання 18 снежня. Актывіст сустрэне Новы год на Акрэсціна. На волю Яўген Афнагель выйдзе ўжо 2 студзеня 2020 года.

Нагадаем, надоечы каардынатар грамадзянскай кампаніі «Еўрапейская Беларусь» Яўген Афнагель даў вялікае інтэрв'ю Studio X97 (Студыі ікс дзевяноста сем).