Афіцэр-падводнік на Плошчы: Я прыйшоў, каб дыхаць вольным паветрам

Мужчына мае намер збіраць аднадумцаў.

У Менску 21 снежня прайшла новая акцыя за незалежнасць Беларусі. Людзі пратэставалі супраць «інтэграцыі» з Расеяй і дыктатуры Лукашэнкі.

Гэтая акцыя стала чацвёртай за апошнія два тыдні.

Афіцэр-падводнік у адстаўцы распавёў, чаму ён прыйшоў на Плошчу:

«Я прыйшоў сюды, каб дыхаць вольным паветрам. Я - беларус, у СССР я служыў на падводным флоце ўсяго траціну жыцця, а ў Беларусі - дзве траціны, я тут нарадзіўся і жыву. І буду шукаць аднадумцаў», - заявіў былы афіцэр-падводнік у фуражцы ВМС.