Эпідэміёлагі: Беларусы самі атручваюць студні, а потым п'юць з іх ваду

Усё часцей у калодзежнай вадзе знаходзяць хімію.

Эпідэміёлагі б'юць трывогу: людзі самі атручваюць студні, а потым п'юць з іх ваду, піша kp.by.

- У невялікіх населеных пунктах беларусы часта карыстаюцца студнямі. І, на жаль, санітарныя пробы з іх нярэдка паказваюць павышанае ўтрыманне нітратаў, - канстатуе загадчык аддзялення камунальнай гігіены Рэспубліканскага цэнтра гігіены, эпідэміялогіі і грамадскага здароўя Аляксандр Спургяш.

Перавышэнне ўтрымання нітратаў у калодзежнай вадзе дзяржаўныя санітарныя службы Беларусі прызналі яшчэ некалькі гадоў таму. У норму тады не ўпісаліся 23,6% узятых проб. - Стараемся выраўнаваць гэтую сітуацыю, - адзначыў Аляксандр Спургаш. - У параўнанні са звесткамі 2004 года, колькасць студняў з вадой, якая не адпавядае ўстаноўленым стандартам якасці, ужо знізілася.

Але ўсё ж сітуацыя выклікае непакой. З чаго раптам калодзежная вада стала непрыдатнай? Людзі пілі яе стагоддзямі!

- На вялікі жаль, беларусы ставяцца да студняў пачварна. Большасць атручваюць самі сябе, - кажа эколаг Міхаіл Рэўт. - Неяк ўзялі пробу у студні ў адной бабулі. Усё аказалася вельмі дрэнна. Сталі высвятляць, адкуль у вадзе хімія. Высветлілася, у 30 метрах ад калодзежа асенізатары зліваюць адкіды... У некаторых студні прама поруч з разаранымі палямі. Адкуль жа ім быць чыстымі, калі полі ўгнойваюць нітратамі? Некаторыя ля калодзежаў прымудраюцца сціраць адзежу і зліваць у траву ваду з парашком, паркуюць ля калодзежаў машыны і там жа іх мыюць. Часам на якасць вады ў калодзежы ўплываюць нават сельскія прыбіральні! Не кажучы ўжо пра жывёлагадоўчыя фермы. Складваецца ўражанне, што ў беларусаў няма элементарных паняццяў аб экалагічнасці. Мы навучыліся эканоміць грошы, таму што ў нас небагатая краіна, але не ўмеем цаніць рэсурсы, якімі можам ганарыцца.

- Яшчэ адно важнае пытанне. Рассудзіце беларусаў, якія з пенай у рота спрачаюцца, ці можна піць ваду з крыніц ці не? Гэта ж таксама крыніца!

- О так, некаторыя ходзяць да Крыніцы з вёдрамі. А калі яна лічыцца яшчэ і святой, то і пагатоў. Пры гэтым рэдка каму прыходзіць у галаву праверыць яе якасць ці хаця б пераканацца ў паходжанні. Неяк рабілі аналіз адной крыніцы ў канцы зімы. Вымералі тэмпературу ў рацэ побач - 2 градусы. Вымяраем тэмпературу ў крыніцы - 8 градусаў! Ну як крынічная вада можа быць цяплейшая за рачную? Праверылі ваду на нітраты - зашкальвае! Сталі шукаць, што і адкуль. І знайшлі: недалёка ад крыніцы - могілкі. Высветлілі, што вада адтуль трапляе ў вадазбор і забруджвае крыніцу. Я не заклікаю прызнаць усе крыніцы бруднымі. Я заклікаю думаць і клапаціцца пра сябе і прыроду. Бо як мінімум мы можам займець элементарныя экапрывычкі і навучыцца здаваць ваду на аналіз.

Як можна праверыць, ці добрай якасці вада

Ваду на аналіз прымаюць у тэрытарыяльных цэнтрах гігіены і эпідэміялогіі. Там жа вам падрабязна раскажуць, як правільна набіраць ваду для аналізу і на працягу якога часу трэба прынесці яе ў лабараторыю. Каштуе такі аналіз ад 20 да 100 рублёў у залежнасці ад колькасці паказчыкаў, па якіх будуць праводзіцца даследаванні. Тэрмін даследаванняў - ад 5 да 10 дзён.

Ці дапаможа бытавы фільтр-збан ачысціць ваду з калодзежа?

Так, дапаможа. Але ў хіміка-біялагічнай лабараторыі УП «Менскводаканал» нам параілі: перш чым купляць фільтр, усё ж зрабіце хімічны аналіз вады, каб разумець, якія паказчыкі перавышаныя і які фільтр будзе больш эфектыўна спраўляцца з ачысткай. Бо большасць фільтраў прыбіраюць усе паказчыкі фізіялагічнай паўнавартаснасці (агульная жорсткасць, агульная мінералізацыя, утрыманне кальцыю, калію, магнію, фтарыд-іёнаў, бікарбанат).