Выбары прэзідэнта Польшчы: Дуда ўдвая апярэджвае апазіцыйную кандыдатку

Апублікаваныя звесткі сацапытання.

Дзейны прэзідэнт Польшчы Анджэй Дуда з вялікай перавагай апярэджвае галоўную кандыдатку ад апазіцыі Малгажату Кідаву-Блонскую перад выбарамі кіраўніка дзяржавы.

Пра гэта сведчаць апублікаваныя ў нядзелю вынікі апытання Estymator для DoRzeczy.pl.

46,6% рэспандэнтаў паказалі, што гатовыя падтрымаць дзейнага прэзідэнта Анджэя Дуду, у той час як толькі 22,4% апытаных прагаласавалі б за кандыдатку апазіцыйнай "Грамадзянскай платформы" Малгажату Кідаву-Блонскую.

На трэцім месцы – кіраўнік Сялянскай партыі Уладзіслаў Касіняк-Чарот з 9,2%.

Раней вынікі апошніх сацыялагічных апытанняў паказвалі, што дзейны лідар Польшчы Анджэй Дуда ў другім туры прэзідэнцкіх выбараў перамог бы любога з галоўных апазіцыйных кандыдатаў.

Выбары прэзідэнта Польшчы адбудуцца ў траўні 2020 года.