Лукашэнка даручыў найбліжэйшыя гадзіны закончыць перамовы з РФ аб нафце і пачаць альтэрнатыўныя пастаўкі
92- 31.12.2019, 16:01
- 109,778
Правадыры Беларусі і РФ не змаглі дамовіцца пра энэргарэсурсы.
Правадыр Беларусі Аляксандр Лукашэнка 31 снежня правёў нараду з кіраўніцтвам нафтахімічнага комплексу на тэму паставак і перапрацоўкі нафты. Пра гэта БелТА паведамілі ў прэс-службе беларускага дыктатара.
Дыктатар адзначыў, што запрасіў удзельнікаў нарады, каб канкрэтна абмеркаваць адпаведныя пытанні аб развіцці праведзеных 30 і 31 снежня тэлефонных размоў з Уладзімірам Пуціным.
Згодна з вынікамі нарады старшыня канцэрна "Белнафтахім" Андрэй Рыбакоў паведаміў, што ў развіццё тэлефонных размоў Аляксандр Лукашэнка даручыў найбліжэйшыя гадзіны закончыць перамовы гаспадарчых суб'ектаў Беларусі і Расеі і ўкласці кантракты на пастаўку нафты ў краіну з мэтай забеспячэння бесперабойнай работы двух нафтаперапрацоўчых заводаў.
Таксама кіраўнікам дадзена даручэнне забяспечыць ужо найбліжэйшыя дні пастаўку нафты з альтэрнатыўных крыніц. Перш за ўсё размова ідзе аб пастаўках чыгуначным транспартам з партоў на Балтыцы, а таксама задзейнічаць альтэрнатыўныя пастаўкі нафтаправода "Дружба".
Як інфармуе БелТА, Лукашэнка патэлефанаваў расейскаму прэм'ер-міністру Дзмітрыю Мядзведзеву. Яны размаўлялі пра адсутнасць кантрактаў на пастаўку ў Беларусь з Расеі нафты і газу ў наступным годзе. Нібыта была дасягнутая дамоўленасць "аб арганізацыі канкрэтнай работы для паставак вуглевадароднай сыравіны ў Беларусь" (гэта значыць без кантрактаў). Але пасля гэтага Лукашэнка патэлефанаваў міністру энэргетыкі Расеі Аляксандру Новаку. Ён узяў на сябе развязанне праблемы і абмяркоўваў "канкрэтныя графікі і кампаніі", якія будуць пастаўляць нафту ў нашу краіну.