28 студзеня 2020, aўторак, 7:20
Засталося зусім крыху
Рубрыкі

Лукашэнка замяніў Качанаву на генерала КДБ

115
Лукашэнка замяніў Качанаву на генерала КДБ
Наталля Качанава

(Абноўлена) Кіраўніком адміністрацыі дыктатара стаў намеснік Вакульчыка.

Наталля Качанава пакінула пасаду кіраўніка адміністрацыі Лукашэнкі. Як паведамляе БелТА, на ейнае месца Лукашэнка прызначыў Ігара Сяргеенку, а намесніцай кіраўніка адміністрацыі стала Вольга Чупрыс.

Качанава адпраўляецца ў так званы савет рэспублікі.

Генерал-маёр Ігар Сяргеенка з'яўляецца першым намеснікам старшыні КДБ Беларусі, а доктарка юрыдычных навук, прафесарка Вольга Чупрыс працуе ў БДУ на пасадзе прарэктара ў вучэбнай працы і адукацыйных інавацыях.

У 2008 менавіта пад кантролем Сергіенкм праходзіў працэс прызнання экстрэмісцкімі кніг «Лісты з лесу» Паўла Севярынца, «Выпадковы прэзідэнт» (Калінкінай і Шарамета), а таксама газеты польскай меншасці «Глас знад Немна».

Як піша tut.by, на пасадзе кіраўніка адміністрацыі Лукашэнкі Наталля Качанава прапрацавала тры гады. Дагэтуль яна два гады была віцэ-прэм'еркай Беларусі і курыравала сацыяльную сферу, адказвала за адукацыя, ахову здароўя, культуру, спорт. Ва ўрад яна прыехала з Наваполацку, дзе сем гадоў узначальвала гарвыканкам.