Затрымалі начальніка Навагрудскай падатковай інспекцыі

Чыноўніка падазраюць у атрыманні хабараў.

СК Гарадзенскай вобласці распачаў крымінальную справу ў дачыненні да начальніка інспекцыі Міністэрства падаткаў і збораў Навагрудскага раёна, які падазраецца ў атрыманні хабараў, паведамляе сайт Следчага камітэта.

Выяўлена, што начальнік падатковай інспекцыі Навагрудскага раёну атрымліваў ад індывідуальных прадпрымальнікаў у якасці хабараў матэрыяльныя каштоўнасці і набываў выгады маёмаснага характару выключна ў сувязі з займаным ім службовым становішчам за спрыяльнае развязанне пытанняў, якія ўваходзяць у ягоную кампетэнцыю.

За фармальнае правядзенне праверак аб парушэннях падатковага заканадаўства і нявыплату імі падаткаў, непрыцягненне да устаноўленай заканадаўствам адказнасці, прыніжэнне падатковых выплат, далейшае заступніцтва.

З санкцыі пракурора ў дачыненні да падазраванага выкарыстаная мера стрымання ў выглядзе ўзяцца пад варту. Для забеспячэння маёмасных спагнанняў і магчымай канфіскацыі, накладзены арышт на ягоную маёмасць, у тым ліку транспартны сродак.

Хабарнікі, якія давалі начальніку падатковай інспекцыі хабары, будуць вызваленыя ад крымінальнай адказнасці, калі ў дачыненні да іх мела месца вымагальніцтва хабару, альбо калі пасля дачы хабару яны добраахвотна заявяць аб зробленым.