Што Захад думае пра кандыдата ў прэзідэнты Украіны Зяленскага
36- 18.03.2019, 11:34
- 17,754
У выпадку гіпатэтычнай перамогі, ніхто не ведае, што ён будзе рабіць далей.
Заходнія дыпламаты кажуць, што кандыдат у прэзідэнты Украіны Уладзімір Зяленскі "страшна" непадрыхтаваны да таго, каб стаць на чале дзяржавы.
Пра гэта ў артыкуле пад назвай "Трагікамедыя" піша The Economist, (пераклад censor.net.ua).
Заходніх дыпламатаў палохае яго непадрыхтаванасць. Многія асцерагаюцца, што Уладзімір Пуцін праглыне Зяленскага быццам шакаладную цукерку "Рашэн", гаворыцца ў артыкуле.
Выданне адзначае, што ў выпадку гіпатэтычнай перамогі, ніхто не ведае, што Зяленскі будзе рабіць далей. У самога новаспечанага палітыка на гэты конт пакуль толькі агульныя фразы аб захаванні празаходняга курса, паляпшэнні інвестыцыйнага клімату і спыненні вайны на ўсходзе краіны.
Разам з тым называецца і прычына папулярнасці кандыдата Зяленскага сярод украінцаў. Спасылаючыся на ўкраінскага палітолага Уладзіміра Фясенку, выданне адзначае, што людзі, незадаволеныя пострэвалюцыйным кіраўніцтвам краіны, хочуць "паказаць уладам сярэдні палец", і на ролю такога пальца пасуе комік.