Прэзідэнт Эстоніі: Сёння мне даводзіцца абараняць нашу расейскамоўную меншасць
10- 18.03.2019, 15:48
- 14,719
Не кожны расейскамоўны чалавек думае так, як Пуцін.
Прэзідэнт Эстоніі Керсці Кальюлайд заявіла ў інтэрв'ю Fox News, які выйшаў у эфір 15 сакавіка, што ёй даводзіцца абараняць расейскамоўную меншасць у краіне, піша "Гордон".
Паводле яе слоў, 30 гадоў таму ў Эстоніі хваляваліся, як расейскамоўныя людзі «будуць інтэгравацца ў свабодны свет».
«Адзіная дзяржава, дзе ім давялося жыць, гэта быў тыранічны Савецкі Саюз. Сёння мне нават даводзіцца абараняць нашу расейскамоўную меншасць. Людзі думаюць, што калі чыйсьці дзядуля жыў у Расеі, чалавек...размаўляе з бабуляй па-расейску, ён абавязкова будзе думаць, як [прэзідэнт Расеі Уладзімір] Пуцін. Але гэта цалкам няпраўда», - сказала Кальюлайд.
Яна падкрэсліла, што такога кшталту стаўленне несправядлівае ў адрас усіх расейскамоўных людзей у Эстоніі.