Пратэстоўцы ў Нікарагуа дамагліся вызвалення ўсіх палітвязняў

Улады пайшлі на перамовы з апазіцыяй.

Урад Нікарагуа заявіў пра намер вызваліць усіх палітычных зняволеных. Для гэтага ў кабінета міністраў ёсць 90 дзён, заявіў урадавы рэсурс El 19 Digital, паведамляе dw.com.

Акрамя таго, урад і прадстаўнікі грамадзянскай апазіцыі павінны вярнуцца за стол перамоў, каб знайсці выхад з палітычнага крызісу. Абодва бакі накіравалі афіцыйнае запрашэнне Арганізацыі амерыканскіх дзяржаў аднавіць дзейнасць для рэфармавання выбарчай сістэмы Нікарагуа.

Паводле звестак праваабарончай арганізацыі "Камітэт вызвалення палітычных зняволеных Нікарагуа", у турмах працягваюць незаконна утрымлівацца блізу 800 чалавек. Прэзідэнт краіны Даніэль Артэга распарадзіўся арыштаваць шэраг удзельнікаў акцый пратэсту, накіраваных супраць урада. Пры гэтым у пачатку і ў сярэдзіне сакавіка з турмаў было вызвалена ўжо блізу 150 зняволеных.

Чакаецца, што ў рамках мірнага дыялогу да канца сакавіка будзе знойдзена развязанне канфлікту, які доўжыцца блізу года.

У красавіку 2018 года ў Нікарагуа пачаліся пратэсты праз запланаванай сацыяльнай рэформы, якія ў выніку былі здушаныя паліцыяй і праўладнымі атрадамі. З тых часоў, са звестак праваабарончых груп, было забіта не менш за 500 чалавек.