У Албаніі праходзяць шматтысячныя пратэсты з патрабаваннем адстаўкі ўрада

Апазіцыя таксама патрабуе датэрміновых выбараў.

Некалькі тысяч пратэстоўцаў сабраліся каля будынка парламента Албаніі, каб патрабаваць адстаўкі ўрада і датэрміновых выбараў.

Пра гэта паведамляе AP.

Сённяшні мітынг з'яўляецца часткай пратэстаў апазіцыі, якія прадаўжаюцца апошні месяц.

Правацэнтрысцкая апазіцыя, якую ўзначальвае Дэмакратычная партыя, адмовілася ад сваіх парламенцкіх мандатаў і праводзіць акцыі пратэсту, абвінавачваючы ўрад левага Сацыялістычнага саюза прэм'ер-міністра Эдзі Рамы ў карупцыі і сувязях з арганізаванай злачыннасцю. Апазіцыя таксама патрабуе датэрміновых выбараў.

На папярэдніх мітынгах прыхільнікі апазіцыі спрабавалі ўварвацца ў парламент ці ўрадавыя будынкі, выкарыстоўваючы дымавыя бомбы і набоі. Паліцыя адрэагавала слёзацечным газам.

У NATO не сумняваюцца ў супраціве РФ супраць пашырэння на Балканах

Сацыялісты сцвярджаюць, што дзеянні апазіцыі не спрыяюць прагрэсу Албаніі на шляху да сяброўства ў ЕЗ.

Пра пратэсты ў Албаніі чытайце таксама артыкул «Штурм парламента і блакада тэлецэнтра: пратэсты на Балканах увайшлі ў новую стадыю».