Падарожнік шукае памочніка за $52 тысячы на год
9- 21.03.2019, 14:45
- 21,170
Мільянер з Сіднэя адкрыў незвычайную вакансію.
Малады мільянер шукае сабе памочніка па працы і напарніка для падарожжаў. Адны з патрабаванняў да суіскальніка - быць вясёлым і мець замежны пашпарт.
Мільянер-падарожнік з Сіднэя шукае сабе памочніка на аклад ад 52 тысяч даляраў. Пра гэта паведамляе Daily Mail.
Аўстралійскі 26-гадовы мільянер Мэцью Лепрэ адкрыў вакансію асабістага памочніка. Ён будзе дапамагаць аўстралійцу ў вядзенні бізнэсу і падарожнічаць разам з мільянерам.
Суіскальнік павінен разбірацца ў кампутарах і ў вядзенні сацсетак. Таксама яму неабходна быць арганізаваным, амбіцыйным і, вясёлым.
Лепрэ прапануе аклад ад 52 тысяч даляраў на год плюс кампенсуе ўсе выдаткі на медстрахоўку, дарожныя выдаткі і пражыванне.
Аўстраліец зарабляе 120 тысяч даляраў на месяц дзякуючы чатыром онлайн-крамам і семінарам у розных краінах аб тым, як разбагацець. Са слоў Лепрэ, падарожжы падчас працы дазволілі яму жыць ідэальным жыццём, і ён хоча даць каму-небудзь такую ж магчымасць.