Лідары краін ЕЗ сустракаюцца ў Брусэлі для абмеркавання Brexit

У Брусэлі пачынаецца двухдзённы саміт лідараў краін Еўразвязу.

Галоўнай тэмай сустрэчы стане адтэрміноўка Brexit. Раней прэм'ер-міністр Вялікай Брытаніі Тэрэза Мэй папрасіла адкласці выхад краіны з ЕЗ да 30 чэрвеня, паведамляе «Радыё Свабода».

Паводле першапачатковага плана Brexit павінен адбыцца 29 сакавіка. Але брытанскія дэпутаты двойчы адхілілі план Мэй. Перанос даты дасць Лондану неабходны час, каб уладзіць усе юрыдычныя пытанні, але на гэта павінны пагадзіцца астатнія 27 краін сябраў ЕЗ. Францыя напярэдадні пагражала адхіліць просьбу Мэй. У Парыжы патрабуюць гарантый, што брытанскі парламент нарэшце падтрымае план прэм'ер-міністра. Такога ж пункту гледжання прытрымліваецца і Берлін.

Крыніцы газеты The Guardian сцвярджаюць, што ЕЗ гатовы адкласці Brexit максімум да 22 траўня. У гэты дзень пройдуць выбары ў Еўрапарламент. Інакш у яго пройдуць прадстаўнікі Вялікай Брытаніі, і гэта ўскладніць працэс выхаду каралеўства з Еўразвязу.

Сама Мэй правядзе асобныя перамовы з прэзідэнтам Францыі Эмануэлем Макронам і кіраўніком Еўрапейскай рады Дональдам Тускам.

Тым часам у Вялікай Брытаніі петыцыя ў падтрымку скасавання выхаду краіны з Еўразвязу сабрала больш за 900 тысяч подпісаў. Прашэнне апублікаванае на сайце брытанскага парламента. Для разгляду петыцыі ў Палаце абшчын неабходныя 100 тысяч подпісаў.

Аўтары дакумента заклікаюць Лондан адмяніць артыкул 50 Лісабонскага пагаднення і застацца ў ЕС. Артыкул апісвае працэс выхаду дзяржаў-членаў з Еўрасаюза. Вялікабрытанія ўжыла яе два гады таму, запусціўшы тым самым Brexit.

Кіраўнік брытанскага МЗС Джэрэмі Хант назваў адмену артыкула магчымай, але малаверагоднай. У сваю чаргу лідэр Палаты суполак у брытанскім парламенце Андрэа Лідсам заявіла, што калі петыцыя збярэ каля 17,5 мільёнаў подпісаў, то гэта будзе падставай для новага абмеркавання Brexit.

Велікабрытанія далучылася да ЕС у 1973 годзе і стане першай краінай, якая яго пакіне. Законапраект аб Брекзите прадугледжвае адмену акта аб Еўрапейскіх супольнасцях 1972 года, на падставе якога краіна ўступіла ў Еўрапейскі саюз, а таксама замену законаў Еўрасаюза брытанскімі.