Прыход на выбарах прэзідэнта Украіны складае амаль 64%

Апублікаваныя папярэднія звесткі.

На 20:00 прыход выбарцаў на выбарах прэзідэнта Украіны склаў 63,99% са звестак 74 выбарчых акруг са 199 ва ўсёй краіне, піша nv.ua.

Як паведамілі ў ЦВК Украіны, па абласцях прыход выбарцаў вагаецца ад 40,38% (Закарпацкая вобласць) да 68,85% (Валынская вобласць).

Звесткі аб колькасці выбарцаў не паступілі з Чарнавіцкай вобласці.

Нагадаем, што 31 сакавіка ва Украіне прайшоў першы тур выбараў прэзідэнта. Украінцы выбіралі новага кіраўніка дзяржавы сярод 39 кандыдатаў.

Паводле папярэдніх звестак экзітполаў, у другі тур праходзяць Уладзімір Зяленскі і Пятро Парашэнка.