Новы малебен за пазбаўленне Беларусі ад лукавага

Малебен у абарону нашай краіны і нашай веры пройдзе ў Менску ў панядзелак 15 красавіка.

Партыя «Народная Грамада», якая ўваходзіць у склад Беларускага Нацыянальнага Кангрэсу, выступіла са зваротам:

- Лукашэнка працягвае знішчэнне Мемарыяла памяці ахвяр сталінскіх рэпрэсій у Курапатах. На загад вар'яцкага дыктатара па магілах расстраляных беларусаў ездзіць будаўнічая тэхніка. Зламаныя і апаганеныя больш за 150 крыжоў, усталяваных на пахаваннях людзьмі, якім дарагая памяць.

Напярэдадні Вялікадня, падчас Вялікага посту сатанінская ўлада абвясціла вайну галоўнаму знаку хрысціянства. Самазванец дэманстратыўна плюе на веру і традыцыі беларусаў.

Заклікаем тых, хто не хоча больш цярпець вар'яцкія ўчынкі кіраўніка-самадура, сабрацца ў панядзелак 15 красавіка а 18.00 каля адміністрацыі Лукашэнкі. Разам памолімся за збавенне нашай краіны ад лукавага, і за здароўе кінутых за краты абаронцаў веры - Мікалая Статкевіча, Паўла Севярынца, Максіма Вінярскага.

Прыходзьце з крыжамі, свечкамі і абразамі.

Абаронім нашу веру.

Слава Ісусу Хрысту!

Жыве Беларусь!