Украінцы на калёсах спрабавалі завезці ў Беларусь 800 кг сала
26- 13.04.2019, 20:28
- 21,044
Інцыдэнт адбыўся ў Валынскай вобласці.
У Валынскай вобласці трое грамадзян Украіны спрабавалі двума вазамі вывезці ў Беларусь 800 кг сала. Пра гэта паведамляе дзяржаўная памежная служба Украіны ў суботу, 13 красавіка.
Адзначаецца, што памежнікі заўважылі ля мяжы трох жыхароў Шацкага раёна, якія пры сабе не мелі дакументаў. Як высветлілася, у двух вазах знаходзілася 28 мяшкоў сала. Памежнікі затрымалі мужчын і канфіскавалі груз. Пра гэты інцыдэнт паведамілі ў Нацыянальную паліцыю.
На затрыманых мужчын склалі адміністрацыйныя пратаколы паводле артыкулаў «Парушэнне памежнага рэжыму, рэжыму ў пунктах пропуску праз дзяржаўную мяжу Украіны ці рэжымных правілаў у кантрольных пунктах уезду-выезду» і «Незаконнае перасячэнне або спроба незаконнага перасячэння дзяржаўнай мяжы Украіны».