Віталь Трус: Брамнікі ў Беларусі ёсць, не ўсё страчанае

Галкіпер «Нёмана» і нацыянальнай каманды Беларусі мяркуе, што ў краіне ёсць брамнікі нядрэннага ўзроўню.

Галкіпер «Нёмана» і нацыянальнай каманды Беларусі Віталь Трус выказаў меркаванне, што ў краіне ёсць брамнікі нядрэннага ўзроўню.

- Як ставішся да выказванняў, што ў Беларусі няма брамнікаў?

- Перспектыўных хлопцаў шмат, але трэба іх развіваць. Самі ж яны не вырастуць. Зразумела, што ў КХЛ усіх не найграеш. Значыць, трэба каб чэмпіянат Беларусі мацнейшым станавіўся, канкурэнцыя ў клубах была вышэйшай. Усё ўзаемазвязанае. Хлопцы, якія выступаюць за мяжой, таксама будуць расці - той жа Ваня Кульбакоў. Магчыма, ён і да НХЛ дабярэцца. Міша Карнавухаў з кожным сезонам усё больш матчаў праводзіць у КХЛ. Магчыма, туды яшчэ кагосьці можна было б падцягнуць. Дзіма Мільчакоў вось вырваўся ў Чэхію.

- Маецца на ўвазе, што няма брамнікаў топ-ўзроўню.

- Ну не ведаю. Хто кажа, тым лепш відаць, напэўна. Як па мне, ёсць у Беларусі брамнікі, не ўсё страчанае, - сказаў Трус у інтэрв'ю hockey.by.