19 сакавiка 2024, aўторак, 5:51
Падтрымайце
сайт
Сім сім,
Хартыя 97!
Рубрыкі

Пасля аварыі на АЭС у Расеі павысіўся радыяцыйны фон у Віцебску

47
Пасля аварыі на АЭС у Расеі павысіўся радыяцыйны фон у Віцебску
ФОТА: ВІКІПЕДЫЯ

Атрыманыя афіцыйныя звесткі ад спецыялістаў Белгідрамета.

На Калінінскай атамнай электрастанцыі ў Цвярской вобласці Расеі адключылі тры энергаблокі з чатырох з прычыны кароткага замыкання. «Пашкоджанняў абсталявання на самой станцыі няма», паведамляюць расейскія СМІ.

Калінінская АЭС знаходзіцца амаль за 360 кіламетраў ад беларуска-расейскай мяжы каля горада Удомля. Электрастанцыю ўвялі ў эксплуатацыю ў траўні 1984 года. Агульная магутнасць чатырох энэргаблокаў АЭС - 4000 мегават, паведамляе «Радыё Свабода».

Што адбылося?

Першы, другі і чацвёрты энэргаблокі адключылі дзеяннем абароны а 05:02 па маскоўскім часе. Сумарнае прыніжэнне працоўнай магутнасці станцыі ў выніку склала 3 ГВт.

Ніякіх наступстваў для спажыўцоў электраэнэргіі пасля спынення блокаў не назіраецца. Падачу электрычнасці аднавілі за кошт рэзерваў.

Энэргаблокі аддзяліліся ад сеткі з прычыны адключэння лініі электраперадачы, якое адбылося ў выніку кароткага замыкання на адным з выключальнікаў трансфарматара, паведамляе ТАСС са спасылкай на «Расэнэргаатам».

Са слоў канцэрна, адключэнне энэргаблокаў ад сеткі «не звязана з работай асноўнага абсталявання станцыі».

У дыспетчарскай службе станцыі адзначылі, што чацвёрты блок адключылі з прычыны прарыву ўшчыльняльніка кандэнсатара турбіны №2.

Ці змяніўся радыяцыйны фон?

У Расеі радыяцыйны фон знаходзіцца ў норме.

Радыяцыйны фон у параўнанні з 17 ліпеня павялічыўся толькі ў Віцебску на 1 мікрарэнтген у гадзіну і склаў 11 мікрарэнтген у гадзіну, сказаў «Радыё Свабода» дзяжурны сіноптык Белгідрамета. Аднак, з яго слоў, з практыкі шматгадовых вымярэнняў, перавышэнне радыяцыйнага фону да 20 мікрарэнтген у гадзіну «не выклікаюць асцярог». У іншых населеных пунктах Віцебшчыны радыяцыйны фон складае 10 мікрарэнтген у гадзіну.

Калі энергаблокі падключаць да сеткі?

Паводле інфармацыі ТАСС, тры адключаныя энэргаблокі могуць падключыць да сеткі 19 ліпеня. Гэта адбудзецца пасля высвятлення прычын інцыдэнту на станцыі.

Напісаць каментар 47

Таксама сачыце за акаўнтамі Charter97.org у сацыяльных сетках