Вясковы бунт: У Гомельскай вобласці працаўніцы надумалі разабрацца з кіраўніцтвам
2- 9.07.2019, 9:18
- 22,989
Жыхаркі Веткаўскага раёна звярнуліся ў пракуратуру.
Вывезлі абсталяванне і выгналі больш за тысячу кароваў цягам двух дзён. Жыхары вёскі Пыхань Веткаўскага раёна Гомельскай вобласці б'юць трывогу. Кажуць, калгас – зачыняюць, працы – пазбаўляюць. Кіраўніцтва ж кажа, што захад часовы. Маўляў, комплекс адрамантуюць і ўсім будзе лепш, паведамляе «Белсат».
Трывога і непакой. Даяркі малочнай фермы ў вёсцы Пыхань пад Гомелем, баяцца застацца без працы.
На дрэнныя ўмовы на комплексе скардзяцца і самі супрацоўнікі. Маўляў, нястача кармоў для кароваў, малыя надоі і як вынік – малыя заробкі.
Выканаўца абавязкаў дырэктара гаспадаркі Мікалай Афанасенка кажа, што кароваў вывезлі на іншыя фермы, якія належаць таму самаму прадпрыемству, і туды будуць прывозіць супрацоўнікаў з Пыхані.
Дадае, што без працы ніхто не застанецца. Аднак супрацоўніцы ставяцца з недаверам.
Так ці інакш, незалежна ад матываў сваімі дзеяннямі кіраўніцтва гаспадаркі парушыла Працоўны кодэкс, кажа прававы інспектар незалежнага прафзвязу РЭП Леанід Судаленка.
Супрацоўніцы фермы патэлефанавалі ў пракуратуру з патрабаваннем праверыць сітуацыю на прадпрыемстве.
Больш падрабязна глядзіце ў відэасюжэце.