Не будзьце наіўнымі
31- 7.01.2020, 12:40
- 35,878
Лукашэнка забяспечвае найперш расейскія інтарэсы.
Як смешна часам чытаць некаторыя беларускія крыніцы, якія думаюць, што Лукашэнка адарвецца ад расейскай нафтагазавай іголкі і стане праводзіць рэформы, ды і наогул ледзь не ў ЕЗ і NАТО нас павядзе, піша тэлеграм-канал МКБ.
Вы рэальна такія наіўныя? За 25 гадоў кіравання Лукашэнкі не было праведзена ніводнай чалавечай рэформы. Увесь гэты час, што Лукашэнка ва ўладзе, Беларусь усё глыбей і глыбей інтэгравалася з Расеяй і дайшло да таго, што Расея прамым тэкстам кажа, хочаце нафту і газ коштам Смаленскай вобласці, значыць здавайце суверэнітэт і давайце аб'ядноўвацца яшчэ глыбей. Ну куды ўжо, здавалася, можна глыбей, калі і так поўнае дно (агульныя межы, агульная мытня і г.д.).
Мы думаем, што найбліжэйшыя дні падпісанне аб нафце і газе ўсё ж будзе, але якім коштам? Нам ніхто не скажа, у 2011 ужо былая такая сітуацыя, і Газпрам тады купіў за капейкі "Белтрансгаз", хоць да гэтага Лукашэнка казаў, што прадаваць не будзе, але як прыйшоў момант, пачаў казаць адваротнае: "Што, павінен быў маліцца на гэтую іржавую трубу, якая ў зямлі ляжыць?"