Галоўнае цяпер не ўдзел, а перамога

Пачнецца наступная Алімпіяда, а расейцам пакажуць айлепшыя выступы 1980 ці 2014 года.

Аўтар Telegram-канала "Сталінгулаг" падсумаваў фінал моладзевага чэмпіянату свету ў хакеі.

- Вось дарма вы накінуліся на Матч ТБ праз тое, што пазаўчора, замест паразы моладзевай каманды Расеі ў хакеі, вам паказалі перамогу 2011 года. Улічваючы дыскваліфікацыю нашай краіны на бліжэйшыя 4 гады такі прыём стане звычайнай з'явай асабліва падчас правядзення найбуйнейшых спартыўных мерапрыемстваў. А пакуль гэта былі, так бы мовіць, вучэнні, як напрыклад тыя, што зусім нядаўна праводзіліся для ізаляцыі рунэту. Ну а што? Пачнецца наступная Алімпіяда, а нам у гэты час пакажуць найлепшыя выступы савецкіх алімпійцаў у 1980 годзе ці ў 2014 у Сочы. І пляваць, што ў Токіё Алімпіяда летняя, а у Сочы была зімовая, галоўнае ж цяпер не ўдзел, а перамога, і не важна, калі яна была. Дзень Перамогі з кожным годам святкуем усё шырэй і шырэй, так і тут будзем!

А з пагаршэннем эканамічнай сітуацыі выкарыстоўваць гэтую практыку можна і ў іншых галінах, тым больш, што ў народзе яшчэ жывая памяць аб "смачнай савецкай каўбасе па 2.20". Так можна надалей і гаварыць на тэлевізіі: памятаеце, якая каўбаса была? Га? Узгадалі?! Вось лічы і наеліся!