Журналістку будуць судзіць за акцыю, на якой яе нават не было
14- 8.01.2020, 16:43
- 20,596
Новае абсурдная справа ад беларускай сістэмы.
10 студзеня ў Менску пройдзе суд над журналісткай «Новага Часу» Дыянай Серадзюк. Яе абвінавачваюць ва ўдзеле ў несанкцыянаванай акцыі пратэсту супраць інтэграцыі з Расеяй 20 снежня 2019 года, паведамляе "Еўрарадыё".
Але Дыяна падчас гэтай акцыі была зусім у іншым месцы - на занятках ангельскай мовы. Гэта можа пацвердзіць рэпетытар, у якой займалася журналістка.
"Чакаць можна чаго хочаш, але спадзяюся, што атрымаецца адправіць пратакол на дапрацоўку. Бо ён складзены абсалютна фальшыва. Ці перанесці пасяджэнне, - распавядае Дыяна ў каментары. - У мяне ёсць сведка, якая можа пацвердзіць, што я была ў іншым месцы. Але сведка не зможа прыйсці [ў суд у прызначаны час]".
Таксама магчымы варыянт, што рэпетытар дасць сведчанні ў пісьмовай форме. Судзіць Дыяну Серадзюк будуць у судзе Першамайскага раёна (бульвар Талбухіна, 9) 10 студзеня, пачатак пасяджэння а 10.30.