Прэзідэнтка Эстоніі адправіла назад падараванае Расеяй шампанскае
21- 8.01.2020, 17:44
- 28,878
Яно было з акупаванага Крыма.
Прэзідэнтка Эстоніі Керсці Кальюлайд не прыняла падораную пасольствам Расеі да яе дня нараджэння бутэльку крымскага шампанскага. Пра гэта 8 студзеня паведаміла эстонскае выданне Eesti Ekspress, піша «Крым.Рэаліі».
«Амбасада Расеі павіншавала прэзідэнтку з 50-годдзем, даслаўшы ёй кветкі, шакалад і бутэльку крымскага шампанскага. Апошнюю канцылярыя прэзідэнткі адправіла назад ў амбасаду », - гаворыцца ў паведамленні.
Кіраўніца дзяржавы адзначыла юбілей 30 снежня.
Афіцыйна адміністрацыя прэзідэнта Эстоніі не паведамляе аб гэтай сітуацыі.
Раней спікер парламента Эстоніі Хен Пылуаас паведаміў, што Эстонія ніколі не прызнае расейскую анэксію Крыма.