Як Магілёў выйшаў на Марш Гонару

Магілёўцы шпацыравалі па горадзе з кветкамі і нацыянальнымі сцягамі.

Сёння ў Беларусі адбыўся Марш Гонару. Магілёўцы невялікай групай на некалькі дзясяткаў чалавек шпацыравалі па Ленінскай з кветкамі. Яшчэ адна група людзей выйшла таксама на бульвары Нескароных, піша сайт mogilev.online.

Пасля стала вядома аб тым, што блізу 15 гадзін у ГЦ «Атрыум» пачаліся затрыманні. Забралі двух мужчын.

Праваабаронцы пішуць, што каля будынка Галоўпаштамта затрымалі журналіста БелаПАН Алеся Асіпцова.