У Нігерыі пасля пратэстаў распусцілі спецназ паліцыі

Гэта здарылася пасля масавай кампаніі за прыцягненне яго байцоў да адказнасці за парушэнні правоў чалавека.

У Нігерыі - найбуйнейшай паводле колькасці насельніцтва краіне Афрыкі - улады ў нядзелю абвясцілі аб расфармаванні спецыяльнага паліцэйскага падраздзялення SARS, пасля масавай кампаніі за прыцягненне яго байцоў да адказнасці за парушэнні правоў чалавека, паведамляе svoboda.org.

SARS (Спецыяльны атрад для барацьбы з рабаваннем) апошнія гады моцна крытыкавалі праваабаронцаў і грамадзянскія арганізацыі - у самой Нігерыі і за мяжой. Яго байцоў абвінавачвалі ў катаваннях і пазасудовых расправах над людзьмі. Amnesty International падае звесткі аб 82 такіх выпадках за апошнія 3 гады.

У апошнія гады ў Нігерыі праходзіла кампанія пад лозунгам EndSARS ("Пакласці канец SARS"), аднайменны хэштэг у твітэры стаў адным з самых папулярных. Кампанію падтрымалі вядомыя блогеры, дзеячы шоў-бізнэсу, прадстаўнікі грамадзянскай супольнасці. У апошнія дні пачаліся вулічныя пратэсты ў буйных гарадах Нігерыі - пасля таго, як у інтэрнэце было апублікаванае відэа забойства, як мяркуецца ўчыненае паліцыянтам.

Улады прызналі факты парушэнняў правоў чалавека і паабяцалі правесці іх незалежнае расследаванне. Не замяшаныя ў парушэннях байцы распушчанага атрада будуць пераведзены ў іншыя падраздзяленні паліцыі.