Кацярына Сныціна: Гэта нашы бабулі і дзядулі - ганарымся!

Капітан нацыянальнай каманды Беларусі эмацыйна выказалася пра Марш пенсіянераў у Менску.

Капітан нацыянальнай каманды Беларусі Кацярына Сныціна эмацыйна падзялілася меркаваннем пра ўчорашнія маршы пенсіянераў у сваім Instagram, апублікаваўшы фота і відэа адтуль.

- Ідуць павольна, але ўпэўнена! Гэта нашы бабулі і дзядулі! Пратэст насельніцтва ўзростам ад 57 і вышэй! Пенсіянеры! Ганарымся! ⠀

Хтосьці скажа: «Ім лёгка выходзіць і пратэставаць, большая частка жыцця ўжо ззаду, ім губляць няма чаго», - кожнаму чалавеку ёсць што губляць, проста яны выбралі барацьбу замест чакання! ⠀

Сілавікі заступаюць шлях, распыляюць ім у вочы слезацечны газ і выбухаюць светлашумавыя гранаты, але яны прадаўжаюць ісці наперад! - напісала Сныціна.