Людміла Уліцкая: Лукашэнка - гэта персона камічная абсалютна

Сітуацыя з дыктатарам проста выходзіць за межы здаровага сэнсу.

- Тое, што адбываецца ў Беларусі, вельмі цікава, таму што ў мяне ёсць адчуванне, што гэта пралог да нейкіх вельмі вялікіх змен на тэрыторыі былога Савецкага Саюза, які не перастаў быць Савецкім Саюзам, якому вельмі хочацца ў нейкай сваёй частцы застацца архаічнай зусім апошняй імперыяй, - разважае Людміла Уліцкая на «Эхо Москвы». - Гісторыя як бы ідзе сваім ходам, а мы ідзём у іншы бок.

І вось гэта ўся сітуацыя сённяшняя на гэтую вельмі архаічную дзяржаўнасць, якую мы назіраем у сябе ў краіне сёння і нечаканы бунт Беларусі - гэта мне вельмі цікава.

Я не ўсё разумею там, я не вельмі добра інфармаваная. Не тое што я сяджу і цэлымі днямі гляджу, што там адбываецца. Але, агулам, тое, што адбываецца, мне надзвычай цікава, і я думаю, спадзяюся, што з гэтага адбудзецца нейкая добрая справа для краіны, для народу, для ўсяго соцыума. Паглядзім. Я думаю, што доўга гэта не працягнуцца, што гэта нейкі кавалак, абмежаваны ў часе.

Потым гэтая скандальная, камічная, гратэскавая сітуацыя з Лукашэнкам. Яна проста выходзіць за межы здаровага сэнсу. Гэта абсалютна ўжо робіцца нейкі сюжэт для кінакамедыі, калі б гэта не было так сумна ў сэнсе гвалту, які там адбываецца. Але калі гэта адсунуць у бок, то гэта, вядома, персона камічная абсалютна.