У выпадку перамогі Трамп адправіць у адстаўку кіраўнікоў Пентагона і ЦРУ

Выбары прэзідэнта ЗША адбудуцца ўжо 3 лістапада.

У выпадку перамогі на выбарах Дональд Трамп збіраецца адправіць у адстаўку дырэктара Цэнтральнай выведвальнай управы (ЦРУ) Джыну Хаспел і міністра абароны Марка Эспера. Ён таксама звольніць дырэктара ФБР Крыстафера Рэя, паведамляе «Зеркало недели. Украина» са спасылкай на The Washington Post.

Трамп збіраецца развітацца з доўгім спісам асоб з ЦРУ, ФБР і Пентагона. Таксама СМІ сцвярджаюць, што Хаспел і Рэю не давяраюць у адміністрацыі дзейнага прэзідэнта і нават пагарджаюць імі. Кажуць, што дырэктар ЦРУ Хаспел маніпулюе людзьмі і падтасоўвае вынікамі, што «спараджае масу падазрэнняў што да яе матываў».

Праўда, ёсць звесткі, што яна і сама не супраць сысці з установы па-за залежнасцю ад вынікаў выбараў.

А вось кіраўнік ФБР «вінаваты», на думку прэзідэнта, у тым, што не пачаў расследаванне ў дачыненні да Хантэра Байдэна. Прэтэнзіі Трампа таксама выклікала заява Рэя пра тое, што ўстанова не выявіла «паўсюдна распаўсюджаных фальсіфікацый на выбарах, у тым ліку з адпраўкай бюлетэняў праз пошту».