Капітан рэгбійнай зборнай запрасіла ў каманду дзяўчыну, якая феерычна ўцякла ад сілавікоў

Марыя Шакура перадала запрашэнне ў вядучы беларускі клуб «Гражданачка».

Сёння было апублікаванае відэа, на якім студэнтка ўцякла адразу ад некалькіх супрацоўнікаў АМАП. Яна адразу ж стала зоркай Сеціва.

Ёсць і яшчэ тыпы спорту, у якіх такія змены траекторый вельмі важныя. Сітуацыя ўразіла капітана жаночай нацыянальнай каманды краіны ў рэгбі Марыю Шакуру, якая толькі адсядзела 10 дзён - яна перадала запрашэнне ў вядучы беларускі клуб «Гражданачка», піша «Трибуна».

У каментары для Надзеі Філіпчык пазней Шакура выказалася трохі падрабязней: «Сутнасць рэгбі-7, у якое мы гуляем, - не ўвайсці ў кантакт, а пазбегнуць кантакту. Трэба ўцячы і пакласці спробу. І ў гэтым відэа як раз можна назіраць, як чалавек ідэальна пазбягае кантакту за кошт некалькіх людзей. Рэалізуецца адзін з прынцыпаў рэгбі, вельмі падобна на нашу гульню. Праўда, гэта гульня «адзін супраць усіх», але адзін чалавек змог выбегчы супраць чатырох-пяці. Безумоўна, яна падышла б нам у каманду».