У пенсійным фондзе Беларусі імкліва заканчваюцца грошы

Прадпрыемствы не маюць грошай на разлікі з ФСАН.

Узурпатар Лукашэнка 26 кастрычніка 2020 падпісаў Указ №381 «Аб забеспячэнні разлікаў з бюджэтамі», якім узмацніў адказнасць кіраўнікоў прадпрыемстваў за няўчасныя разлікі з фондам сацыяльнай абароны насельніцтва, паведамляе afn.by.

Згодна з дакументам, уведзеная забарона на выплату кіраўніцтву арганізацый усіх тыпаў прэмій пры наяўнасці запазычанасці перад ФСАН. Раней такая забарона дзейнічаў толькі пры наяўнасці ў арганізацыі запазычанасці ў выплаце ў дзяржаўны бюджэт.

Акрамя таго, склад выплат, якія падпадаюць пад дзеянне забароны, дапоўнены такімі стымуляцыйнымі выплатамі, як бонусы і ўзнагароды, гаворыцца ў афіцыйным каментары да дакумента.

Захады адказнасці будуць ужывацца толькі ў дачыненні да кола асоб, якія беспасярэдне адказваюць за фінансавы стан арганізацыі і маюць паўнамоцтвы на прыняцце адпаведных кіраўнічых пастаноў. Такім чынам, да адказнасці не будуць прыцягвацца галоўныя спецыялісты ды іхнія намеснікі, якія выконваюць, фактычна, пастановы кіраўніцтва, акрамя галоўнага бухгалтара і ягоных намеснікаў, што самастойна робяць выплаты ў дзяржаўны бюджэт.

Пазбаўленне прэміі будзе ажыццяўляцца грунтуючыся на колькасці дзён, у якіх мелася запазычанасць перад бюджэтам, і (або) перыядаў, у якіх дапушчаная пратэрмінаваная запазычанасць, а не паводле факту яе наяўнасці і незалежна ад працягласці перыяду, як было раней.