У Сеціве з'явіліся асабовыя звесткі камандзіраў АМАПу

Беларускія хакеры выставілі ультыматум карнікам.

Беларускія кібер-партызаны апублікавалі ў сваім тэлеграм-канале падрабязную інфармацыю пра 42-х камандзіраў АМАПу.

«Далей выконваем нашы абяцанні.

Учора і сёння вылюдкі ў форме АМАПу, прадоўжылі баявыя дзеянні і праліццё крыві народа Беларусі. Яны хаваюць твары пад балаклавамі ў надзеі пазбегнуць адказнасці за цяжкія злачынствы супраць закона РБ і аднойчы дадзенай народу прысягі. Прыйшоў час гэтай надзеі памерці.

Ультыматум АМАПу:

-За ўчорашні і сённяшні тэрор публікуем імёны 42-ух «доблесных» камандзіраў і інспектараў АМАПу (уключаючы камандзіраў з 1-ай да 7-ай роту ГУУС Менскага гарвыканкама), якія асабіста ўдзельнічалі ў збіванні, катаваннях і забойствах грамадзян. Пачынаем з камандзіраў.

-На ўсе наступныя праявы гвалту ў бок мірных і бяззбройных грамадзян на вуліцах Менска ці іншых гарадоў, бандыцкія балаклавы будуць сарваныя і з іншых вылюдкаў у форме. Далей мы будзем выкладваць не толькі імёны і прозвішчы, але і адрасы, тэлефоны і г.д.

P.S. Анансуем імклівую кібер-карму, якая ляціць на крылах ночы да разбойнікаў з ГУБАЗіКа і віжоў», - паведамілі кібер-партызаны.