Дарагія студэнты, давайце разам даціснем гэты рэжым!

Беларусы звярнуліся да страйкоўцаў студэнтаў.

Студэнцкі пратэстны і страйкавы рух у Беларусі дасягнуў небывалага размаху. Незалежныя тэлеграм-каналы звярнуліся да беларускіх студэнтаў:

- Дарагія студэнты!

Вы - сапраўдныя героі нашага часу. Вашы сумленныя і смелыя настаўнікі і выкладчыкі ганарацца вамі! Завадчане i ўсе грамадзяне нашай краіны з хваляваннем глядзяць на вас і зараджаюцца надзеяй, верай, сілай і жаданнем дзейнічаць! Давайце ўсе разам даціснем гэты рэжым.

Сёння яшчэ не ўсе з вас наважваюцца зрабіць крок насустрач сумленню, насустрач лепшай, годнай будучыні ў нашай роднай краіне. Вас запалохваюць і на вас робяць беспрэцэдэнтны ціск. Але страх - дрэнны дарадца. Прайграўшы цяпер у сутычцы са сваім страхам, вы страціце будучыню. Не бойцеся! Усе салідарныя беларусы, і нават міжнародная супольнасць гатовыя надаць вам усю падтрымку, як маральную, так i матэрыяльную!

Еўрапейскія краіны гатовыя з радасцю прыняць свабодную і годную моладзь да сябе на навучанне:

У Польшчы для вас дзейнічае праграма Каліноўскага.

У Літве гатовыя аплаціць навучанне ў сваіх ВНУ 110 беларускіх студэнтаў, дзейнічае праграма групы SBA, а Віленскім універсітэце дадуць стыпендыі беларускім студэнтам.

Чэхія гатовая дапамагаць студэнтам, якія трапілі пад рэпрэсіі.

Украіна дапаможа вам паступіць у свае ВНУ, калі Вас адлічылі.

Нямеччына дасць стыпендыю на паўгода.

Славакія гатова надаць падтрымку з жыллём і навучаннем у ключавых ВНУ краіны.

Не жадаеце з'язджаць, спытаеце сябе, што лепш: страціць адзін навучальны год ці страціць потым усё жыццё, з усімі перспектывамі развіцця ў сваёй краіне? Бо калі захаваецца дыктатура, краіна пазбавіцца ўсіх перспектыў, і з яе масава з'едуць вашы аднакурснікі і ўсе найлепшыя і разумнейшыя прадстаўнікі грамадзянскай супольнасці. Не будзе каму развіваць яе. Не дапусціце раскідання краіны!

Ініцыятыва «Сумленныя людзі» гатовая надаць вам фінансавую дапамогу.

Працягвайце падтрымліваць страйкоўцаў! Станьце побач з імі за тых каго несправядліва рэпрэсавалі і арыштавалі, за вашу годную адукацыю, за смелых і сумленных, прафесійных выкладчыкаў, за нашу з вамі агульную будучыню ў новай, вольнай Беларусі!