Даляр і еўра прыкметна падаражэлі на чацвёрты дзень страйку

Банкі адрэагавалі павышэннем курсаў валют.

Курс даляра ўжо чацвёрты дзень запар расце на таргах на Беларускай валютна-фондавай біржы. Еўра таксама ўмацоўваецца. Партал tut.by паглядзеў, якія курсы валют усталявалі абменнікі.

Паводле стану на 10.39 на таргах на Беларускай валютна-фондавай біржы даляр вырас на 0,98% - да 2,6246 рубля, еўра ўмацаваўся на 1,03% - да 3,0834 рубля, а расейскі рубель упаў на 0,14% - да 3,3318 рубля за 100 расейскіх рублёў.

Вышэй за ўсё курс продажу банкамі даляра - 2,662 рубля (Белаграпрамбанк), а ніжэй за ўсё - 2,629 рубля (Альфа-Банк, Paritetbank, БСБ-Банк, Абсалютбанк).

Удакладнім, што ў розных абменніках аднаго банка могуць адрознівацца курсы валют.

Больш выгадна здаваць амерыканскую валюту ў Франсабанку, Тэхнабанку, Абсалютбанку, Paritetbank, Банку Дабрабыт, БСБ Банку - 2,62 рубля.

Курс продажу банкамі еўра вышэй за ўсё ў Банку БелЗЭБ - 3,13 рубля, а ніжэй за ўсё - у Альфа-Банку (3,088 рубля), Абсалютбанку (3,089 рубля).

Еўра выгадна здаваць у Абсалютбанку і БСБ Банку - 3,077 рубля.