У Хабараўску 13-ю суботу запар прайшла акцыя пратэсту

Людзі прайшліся праезнай часткай цэнтральных вуліц Хабараўска.

У Хабараўску ўжо 13-ю суботу запар адбылася несанкцыянаваная акцыя ў падтрымку былога губернатара Хабараўскага краю Сяргея Фургала. Нягледзячы на холад і дождж, на цэнтральнай плошчы імя Леніна перад будынкам урада Хабараўскага краю 3 кастрычніка сабраліся сотні людзей, паведамляе DW.

Дэманстранты скандавалі лозунгі ў падтрымку экс-губернатара і крытыкавалі дзеянні ўладаў.

Шэсце традыцыйна пачалося пасля мітынгу. Людзі пайшлі праезнай часткай цэнтральных вуліц Хабараўска, трымаючы ў руках балонікі, плакаты і транспаранты з выявай Фургала.